مری: برف باری کا سلسلہ رک گیا، سردی کی شدت میں اضافہ

مری…ملکہ کوہسار مری میں تقریبا چوبیس گھنٹوں تک وقفے وقفے سے جاری رہنے والا برفباری کا سلسلہ تھم گیا ہے ، اس کے بعد چلنے والی ہواؤں سے وادی میں سردی کی شدت میں اضافہ ہوگیا ہے ۔ مری اور اس کے گرد و نواح میں برف باری کے بعد وادی کے بیشتر مقامات نے برف کی سفید چادر اوڑھ لی ہے ، یخ بستہ ہواؤں نے ماحول کو یخ بستہ کردیا ہے جبکہ ملکہ کوہسار میں آنے والے سیاح ، موسم کی شدت سے لطف اندوز ہوتے رہے ، درجہ حرارت نقطہ انجماد سے گر جانے کی وجہ سے پائپ لائنوں میں پانی منجمدہوگیا ہے ، اس کی وجہ سے شہری اور نواحی مقامات پر پانی کی قلت پیدا ہوگئی ہے ، برف باری سے کئی رابطہ سڑکیں بھی بند ہوگئی ہیں اس کی وجہ سے علاقہ کی مقامی آبادی کو ذرائع آمد و رفت میں مشکلات کا سامناکرنا پڑ رہا ہے