برطانوی پریمئیر لیگ میں مانچسٹر یونائیٹڈ کی فتح کا جشن

مانچسٹر میں فٹبال کلب کے ہزاروں دیوانے اپنے ہیروز کو خراج تحسین پیش کرنے اور کلب کے مینیجر سر ایلکس فرگوسن کو الوداع کہنے کیلئے جمع ہوئے۔ پریڈ کا آغاز اولڈ ٹریف سٹیڈیم سے ہوا جہاں بس پر سوار کھلاڑی اور سر ایلکس ہاتھ ہلا کر شایقین کے نعروں کا جواب دیتے رہے۔ اس موقع پر سر ایلکس فرگوسن کا کہنا تھا کہ وہ اور ان کا خاندان کلب میں گزرے وقت کو بہت یاد کرے گا اور آج کا دن ہمیشہ یاد آئے گا۔ مانچسٹر یونائیٹڈ نے سر ایلکس کے 26 سالہ دور میں تیرہ پریمیئر لیگ ٹائٹٹل، دو چیمپیئنز لیگ، پانچ ایف اے کپ اور چار لیگ کپ جیتے جبکہ پریمئیر لیگ میں مانچسٹر یونائیٹڈ کی یہ 20 ویں کامیابی تھی۔